बारावीच्या परीक्षेसाठी १२ नोव्हेंबर पासून Online फॉर्म | HSC Exam maharashtra 2021

बारावीच्या परीक्षेसाठी १२ नोव्हेंबर पासून Online  फॉर्म 

राज्यात सन २०२२ मध्ये घेण्यात येणाऱ्या महाराष्ट्र राज्य माध्यमिक व उच्च माध्यमिक शिक्षण मंडळाच्या  उच्च माध्यमिक प्रमाणपत्र (इयत्ता 12 वी  १२th exam ) परीक्षेची आवेदनपत्रे हि येत्या शुक्रवार म्हणजे  दि. 12 नोव्हेंबरपासून स्वीकारली जाणार आहेत.

यासाठी  विद्यार्थ्यांना   maharashtra HSC board website   या संकेतस्थळावर ऑनलाईन पद्धतीने आवेदनपत्र भरावी लागणार  आहेत 

यामध्ये 

• परीक्षेस नियमित बसणारे , 
• पुनर्परीक्षार्थी देणारे , 
• नाव नोंदणी प्रमाणपत्र प्राप्त झालेले खाजगी विद्यार्थी  
• श्रेणीसुधार योजनेअंतर्गत व तुरळक विषय, 
• आयटीआय घेऊन प्रविष्ट 

होणाऱ्या विद्यार्थ्यांची आवेदनपत्रे ऑनलाईन पद्धतीने घेण्यात येणार आहेत. 

यामध्ये उच्च माध्यमिक शाळा/ कनिष्ठ महाविद्यालयांमार्फत शास्त्र, कला व वाणिज्य शाखांची फक्त नियमित विद्यार्थ्यांची आवेदनपत्रे SARAL डाटाबेसवरून नियमित शुल्कासह 12 नोव्हेंबर ते 2 डिसेंबर 2021 या कालावधीत भरावयाची आहेत. 

तर उच्च माध्यमिक शाळा/ कनिष्ठ महाविद्यालयांमार्फत व्यवसाय अभ्यासक्रम शाखेचे नियमित विद्यार्थी, पुनर्परीक्षार्थी, नाव नोंदणी प्रमाणपत्र प्राप्त झालेले खाजगी विद्यार्थी, श्रेणी सुधार व तुरळक विषय घेऊन परीक्षेस प्रविष्ट होणाऱ्या विद्यार्थी, आयटीआयद्वारे ट्रान्स्फर ऑफ क्रेडिट घेणारे विद्यार्थी यांची आवेदनपत्रे प्रचलित पद्धतीप्रमाणे शुक्रवार दि. 3 डिसेंबर ते 11 डिसेंबर 2021 या कालावधीत ऑनलाईन पद्धतीने भरावयाची आहेत. 

विलंब शुल्कासह हे अर्ज 13 डिसेंबर ते 20 डिसेंबर 2021 या कालावधीत भरता येतील. तर, उच्च माध्यमिक शाळा/ कनिष्ठ महाविद्यालयांनी बँकेत चलनाद्वारे शुल्क भरावयाचा कालावधी 12 नोव्हेंबर ते 23 डिसेंबर 2021 असा आहे.

उच्च माध्यमिक शाळा/ कनिष्ठ महाविद्यालयांनी विभागीय मंडळाकडे शुल्क भरल्याच्या चलनासह विद्यार्थ्यांच्या याद्या व प्री लिस्ट मंगळवार दि. 28 डिसेंबर 2021 रोजी जमा करावयाची आहे, असे महाराष्ट्र राज्य माध्यमिक व उच्च माध्यमिक शिक्षण मंडळाचे सचिव डॉ.अशोक भोसले यांनी कळविले आहे.